કવિતાકવિતા કોર્નર

સૈનિકનો દેશપ્રેમ….

તાજેતરમાં સૈનિકો પર થયેલા નક્સલી હુમલાને લઈને દરેક શહીદ થયેલા ભારતના વીર શહીદોને શબ્દાંજલિ….
સૈનિકનો દેશપ્રેમ….
દેશની રક્ષા ને કરવા જતન,
સૈનિક ચાલ્યો છોડીને વતન,
જે ક્યારેય નહીં થવા દે દેશનું પતન,
કોઈનો લાડકવાયો તો કોઈની આંખોનું રતન,

 

મમતા ના ખોળે મોટો થયો,
ને પિતાના લાડકોડમાં ઊછર્યો,
બહેનની લાગણીમાં ઘેલો થયો,
ને માતૃભૂમિને સમર્પિત થયો,

 

સૈનિક માટે તો પ્રશ્ન છે તહેવાર ?
એને તો બસ યુદ્ધ સાથે જ વહેવાર,
ભલે હોઈ ટાઢ તાપ કે વરસાદ,
દેશની રક્ષા એક જ સાર,

 

યુદ્ધભૂમિમાં પડઘમ વાગે,
સૈનિક ચાલ્યો દેશની રક્ષા કાજે,
હાથમાં હથિયારને બંદુક સાજે,
દોટ મૂકીને દુશ્મન ભાગે,

 

અચાનક આવે નફરતનું તોફાન,
ડગમગી જાય દેશની શાન,
ભલે શરીરે થઈ જાય લોહી લુહાણ,
ને જરૂર પડ્યે કરે  પ્રાણ કુરબાન,

 

માતૃભૂમિ માટે જંગ ખેલાય,
દેશદાઝ માટે રક્ત રેલાય,
શરીર ગોળીઓના ઘા થી વીંધાય,
એ શૂરવીરની ત્યારે કાયા પિંખાય,

 

માં નું હૃદય ત્યારે સંતાપ કરે છે,
પત્નીનું દિલ વિલાપ કરે છે,
આવા વીર સપૂતોને દિલથી સલામ,
જય હો ભારત ! જય હિંદુસ્તાન !….

 

લી.તૃપ્તિ વી પંડ્યા ” ક્રિષ્ના “

Related posts
અછંદાસકવિતા કોર્નર

ચરમસીમા

જો ને, તમે જાતે જ ધારી લીધું,કે એ તેને…
Read more
કવિતાકવિતા કોર્નર

પપ્પા

પપ્પા મારા પપ્પામને વ્હાલા…
Read more
કવિતાકવિતા કોર્નર

માણસ

બહુ ઓળખો તો છતો થાય છે.માણસ દૂરથી ક્યાં ઓળખાય છે?દૂરથી ડુંગરા રળિયામણા સોહાય છે.નજીક થી ચડવા ક્યાં પોસાય છે?સાથે રહો તો ડાઘા દેખાય છે.કદરૂપું અંતરેથી ક્યાં જણાય  છે?પામીને ખોટનો  ધંધો કરાય છે.ચાહવામા ક્યાં પૈસો ખર્ચાય છે?સંબંધની સીડી અટકીને ચડાય છે.નિભાવવાનું પગથિયું ક્યાં ચૂકાય છે?પાસેથી જાણવામાં જોખમ જણાય છે.‘કેમ છો?’ થી  ક્યાં  માણસ કળાય છે ?કેમ કરીયે ચિંતન આવું શાને થાય છે.માણસ દૂરથી ક્યાં ઓળખાય  છે ? અવનિ…
Read more

Leave a Reply

%d bloggers like this: