“આગમન છે”

અશ્રુ ધરબાવી હૃદયમાં રાહ જોવે નયન છે,
કેટલી અવઢવ અને બાવીસનું આગમન છે.

લાગણીભીની કલમ મારી લખે છે કવિતા,
આ નવા વરસે વર્ષા કરશું હૃદયમાં દફન છે.

કોણ કેવું જીવી ગ્યા કોને ખબર છે અહીં પણ,
સાથ આપી જે રહ્યા છે એજ મારા સ્વજન છે.

ખાતરી એવી નથી સારું વરસ આ જવાનું,
એટલે ઘરમાં સજાવી રાખવાનું કફન છે.

એમતો મીરાં નથી કે ઝેરને પણ પચાવું,
એક “દીવાની” બની છું શ્યામ સાથે જીવન છે.

વાસવદત્તા નાયક “દીવાની”